පන්දුවාර විස්සයි 20 ක්‍රිකට් පිටියේ කඬුලු 600 යේ සීමාව පසුකර යාමට බටහිර ඉන්දිය කොදෙව් ක්‍රීඩක ඩ්වේන් බ්‍රාවෝ සමත්වී තිබෙනවා. ඒ, ඊයේ පැවති “ද හන්ඩ්‍රඩ්” තරඟාවලියේ, තරඟයකදී කඬුලු 02 ක් දවා ගැනීමත් සමඟයි.
38 හැවිරිදි ඩ්වේන් බ්‍රාවෝ පන්දුවාර විස්සයි 20 ක්‍රිකට් පිටියේ කඬුලු 600 යේ සීමාවට පැමිණියේ තරඟ 516 ක් ක්‍රීඩා කරමින්. 2021 වසරේ නොවැම්බර් සිට ඔහු කොදෙව් ජාතික ක්‍රිකට් කණ්ඩායම නියෝජනය නොකළද ලොව පුරා ඇති ලීග් ක්‍රිකට් තරඟාවලි සඳහා අඛණ්ඩව සහභාගී වන ක්‍රීඩකයෙක්.
පන්දුවාර විස්සයි 20 ක්‍රිකට් පිටියේ වැඩිම කඬුලු ලාභීන් අතර කඬුලු 466 ක් දවා ගත් ඇෆ්ගනිස්ථානයේ රෂීඩ් ඛාන් දෙවන ස්ථානයේත්, කඬුලු 460 ක් දවාගත් බටහිර ඉන්දිය කොදෙව් ක්‍රීඩක සුනිල් නරේන් 03 වන ස්ථානයේත් පසුවනවා.
