Published
Abhinav’25 ද්විභාෂා මාධ්ය තරගයෙන් 2වන ස්ථානය සහ වඩාත් ජනප්රිය මාධ්ය ඒකකය ලෙස D. S. සේනානායක විද්යාලය පිදුම් ලබයි.
Vijitha Herath
ඉන්දීය විදේශ කටයුතු අමාත්ය ආචාර්ය එස්. ජයශංකර් මහතා සහ විජිත හේරත් මහතා අතර හමුවක් ඉන්දීය අගමැති නරේද්ර මෝදි මහතාගේ විශේෂ නියෝජිතයෙකු ලෙස මෙරටට පැමිණ සිටින ඉන්දීය විදේශ කටයුතු අමාත්ය ආචාර්ය එස්. ජයශංකර් මහතා සමග අද(23) පෙරවරුවේ විදේශ කටයුතු අමාත්ය විජිත හේරත් මහතා හමුවී කල මාධ්ය ප්රකාශය සම්බන්ධයෙන් විජිත හේරත් මහතාගේ මුහුණු පොතේ පල කල අදහස් පහතින් දැක්වේ. ඉන්දීය අගමැති නරේද්ර මෝදි මහතාගේ විශේෂ නියෝජිතයෙකු ලෙස මෙරටට පැමිණ සිටින ඉන්දීය විදේශ කටයුතු අමාත්ය ආචාර්ය එස්. ජයශංකර් මහතා සමග අද (23) පෙරවරුවේ ජනාධිපතිතුමා හමුවීමෙන් අනතුරුව මා සමඟ ඒකාබද්ධ මාධ්ය ප්රකාශයකට එක් වූවේ ය. එහිදී මා සිදු කළ ප්රකාශය. ආයුබෝවන්! ගරු ඉන්දීය විදේශ කටයුතු අමාත්ය ආචාර්ය සුබ්රමනියම් ජයශංකර් මැතිතුමනි, ඉන්දීය මහ කොමසාරිස් අතිගරු සන්තෝෂ් ජා මැතිතුමනි, ඉන්දීය සහ ශ්රී ලංකා නියෝජිතයිනි, මාධ්ය සගයිනි, ප්රථමයෙන්ම, ආචාර්ය ජයශංකර් මැතිතුමන්ව, මා සතුටින් නැවත වරක් කොළඹදී පිළිගනු ලබනවා. ‘දිට්වා’ සුළි කුණාටුව හේතුවෙන් ඇති වූ අයහපත් කාලගුණික තත්ත්වයන්ගෙන් පසුව, ඉන්දියාව, ශ්රී ලංකාව වෙත දක්වන ස්ථිරසාර සහයෝගීතාව අවධාරණය කරන්නක් ලෙස, ආචාර්ය ජයශංකර් මැතිතුමාගේ මෙම සංචාරය අප බෙහෙවින් අගය කරනවා. මෙම සංචාරය අපගේ දෙරට අතර සමීප මිත්රත්වය සහ දිගුකාලීන හවුල්කාරිත්වය මෙන්ම, “සාගර් බන්ධු” මෙහෙයුම කාලෝචිත ලෙස දියත් කිරීම හරහා පළමුව ප්රතිචාර දැක්වු රාජ්යයක් ලෙස ඉන්දියාවේ භූමිකාව පිළිබඳ ප්රබල පිළිබිඹුවක් වෙනවා. ශ්රී ලංකාව මුහුණදුන් ආර්ථික අභියෝග ජය ගැනීමට සහාය වීම සඳහා ඉන්දියාව විසින් මෙරටට ලබා දුන් වටිනා සහයෝගය වෙනුවෙන්, ජනාධිපති අනුර කුමාර දිසානායක මැතිතුමන්, ශ්රී ලංකා රජය සහ ජනතාව වෙනුවෙන්, අග්රාමාත්ය නරේන්ද්ර මෝදි මැතිතුමන්ට, ඉන්දීය රජයට සහ ආචාර්ය ජයශංකර් මැතිතුමනි, ඔබතුමන්ට, අපගේ හෘදයාංගම කෘතඥතාව පළ කරනවා. අත්යවශ්ය භාණ්ඩ හා ඛනිජ තෙල් ආනයනය, ද්විපාර්ශ්වික මුදල් ඒකක හුවමාරුව සහ වගකීම් සම්බන්ධයෙන් සහන කාලයක් ලබා ගැනීම සඳහා ඉන්දීය රජය විසින් ලබා දුන් ඇමරිකානු ඩොලර් බිලියන 4ක ණය ප්රදානය අප කෘතඥතාවයෙන් යුතුව සිහිපත් කරනවා. ශ්රී ලංකාව සහ ඉන්දියාව, භූගෝලීය සමීපතාව, ගැඹුරු ඓතිහාසික හා සංස්කෘතික සබඳතා, බෙදාගත් වටිනාකම් සහ පුළුල් වන ආර්ථික සම්බන්ධතා තුළ මුල් බැස ඇති දිගුකාලීන හා බහු-ආංශික සම්බන්ධතාවයකට හිමිකම් කියනවා. නිතිපතා සිදුවන ඉහළ මට්ටමේ ක්රියාකාරකම් සහ දේශපාලනික, නිල මට්ටමේ සහ ජනතා සබඳතා දක්වා දිවෙන සමීප සම්බන්ධතා හරහා අපගේ ද්විපාර්ශ්වික කටයුතු වඩාත් ශක්තිමත් වෙමින් පවතිනවා. මේ සම්බන්ධයෙන්, හදිසි මූල්යකරණය සහ විදේශ විනිමය සහාය ඇතුළුව බහුවිධ ආධාර මෙන්ම, පවතින ණය ආධාරයන් යටතේ නිම කර ඇති ව්යාපෘති සඳහා වන ගෙවීම් පියවීමට ප්රදානය කරන ලද ඇමරිකානු ඩොලර් මිලියන 20.66ක් ඇතුළුව, ශ්රී ලංකාවේ ආර්ථිකය ස්ථාවර කිරීම සඳහා ඉන්දියාව අඛණ්ඩව ලබා දෙන සහයෝගය අප බෙහෙවින් අගය කරනවා. සාකච්ඡා කාලෝචිත ලෙස අවසන් කිරීමට හැකි වූ, නිල ණයහිමියන්ගේ කමිටුවේ සම-සභාපතිත්වය ඇතුළුව, ශ්රී ලංකාවේ ණය ප්රතිව්යුහගත කිරීමේ ක්රියාවලියේදී, ඉන්දියාවේ තීරණාත්මක කාර්යභාරය ද අප අවංකවම අගය කරනවා.
