2014 වසරේදී නැගෙනහිර යුක්‍රේන ගුවන් සීමාවේදී මිසයිල ප්‍රහාරයක් එල්ලකර මගී ගුවන් යානයක් බිමහෙළීමේ සිද්ධිය සම්බන්ධයෙන් පුද්ගලයින් තිදෙනෙක් වැරදිකරුවන් බවට නෙදර්ලන්ත අධිකරණයක් තීන්දු කර තිබෙනවා.
ඒ අනුව ඔවුන්ට ජීවිතාන්තය දක්වා සිරදඬුවම් නියම කිරීමටයි විනිසුරුවරුන් තීරණය කර ඇත්තේ. මෙලෙස දඬුවම් හිමිව ඇත්තේ රුසියානු ජාතිකයින් දෙදෙනෙක් සහ යුක්‍රේන ජාතිකයෙකුටයි.
මෙම සිද්ධියෙන් ගුවන් මගීන් 298 දෙනෙක් ජීවිතක්ෂයට පත්වුණා. ඒ අතරට ළමුන් 80 ක්ද අයත්. රුසියානු සහාය ලැබූ සන්නද්ධ කණ්ඩායමක සාමාජිකයින්, රුසියාව විසින් සැපයූ මිසයිලයක් යොදාගෙන මෙම ප්‍රහාරය එල්ල කර ඇති බවයි හෙළිවී ඇත්තේ.
එහිදී කඩා වැටුණේ MH- 17 වර්ගයේ ගුවන් යානයක්. මෙම මිසයිල ප්‍රහාරය යුක්‍රේනයේ සිදුවූ දරුණතම යුධ අපරාධවලින් එකක් බවයි විදෙස් මාධ්‍ය වාර්තා කළේ.
