Sunday, February 5, 2023

General line - 0115112241

ශිෂ්‍යත්වයේ කඩයිම් ලකුණුත් නිකුත් වෙයි - බස්නාහිර 153යි




2022 5 ශ්‍රේණිය ශිෂ්‍යත්ව විභාගයේ ප්‍රතිඵල ඊයේ රාත්‍රියේ නිකුත් කෙරුණා. ඒ අනුව www.doenets.lk වෙබ් අඩවිය හරහා ප්‍රතිඵල ලබා ගත හැකි වනවා. 2022 පහ වසර ශිෂ්‍යත්ව විභාගයේ ප්‍රතිඵල මත එක් එක් දිස්ත්‍රික්ක සඳහා කඩඉම් ලකුණුද මේවනවිට නිකුත් කර තිබෙනවා.

ඒ අනුව කොළඹ, ගම්පහ, කළුතර, නුවර, මාතලේ, ගාල්ල, මාතර, කුරුණෑගල සහ කෑගල්ල යන දිස්ත්‍රික්ක වල කඩයිම් ලකුණ 153ක් වනවා. හම්බන්තොට හා  රත්නපුරය යන දිස්ත්‍රික්කවල කඩයිම් ලකුණ 150ක්.

අනුරාධපුරය, පොළොන්නරුව, බදුල්ල, මොනරාගල, අම්පාර සහ පුත්තලම යන දිස්ත්‍රික්කවල කඩයිම් ලකුණ 148 ක් වනවා. නුවරඑළිය හා ත්‍රිකුණාමලයේ කඩයිම් ලකුණ 147 ක්. මන්නාරම, වව්නියාව සහ මුලතිව් යන දිස්ත්‍රික්කවල කඩයිම් ලකුණ 145 වනවා. 

2022 පහ ශ්‍රේණිය ශිෂ්‍යත්ව විභාගය ඉකුත් වසරේ දෙසැම්බර් 18 වැනි දින විභාග මධ්‍යස්ථාන 2,894කදී පැවැත්වුණා. ඒ සඳහා පෙනී සිටි සිසුන් සංඛ්‍යාව තුන් ලක්ෂ 34,698ක්.