සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර දෙවන ටෙස්ට් ක්‍රිකට් තරඟයේ පළමු දිනය අද කල් වේලා ඇතිව අවසන් කළා. ඒ, අයහපත් කාලගුණය හේතුවෙන්. අද තරඟ ආරම්භයට ද වර්ෂාව හේතුවෙන් බාධා එල්ලවුණා. ඒ අනුව තරඟයේ පළමු දිනය ආරම්භ කළේ දිවා ආහාරයෙනුත් පසුවයි.
නවසීලන්තයේ වෙලින්ටන්හිදී ආරම්භ වූ තරඟයේ කාසියේ වාසිය දිනාගත් ශ්‍රී ලංකා නායක දිමුත් කරුණාරත්න පළමුව පන්දු යැවීමට තීරණය කළා. ඒ අනුව ප්‍රථමයෙන් පන්දුවට පහර දෙන නවසීලන්තය දිනය නිමා වන විට කඬුලු 02 ක් දැවී ලකුණු 155 ක් රැස්කරගෙන සිටියා. ඩෙවෝන් කොන්වේ ලකුණු 78 යි. පන්දු යැවීමේදී කසුන් රාජිත හා ධනංජය ද සිල්වා එක් කඬුල්ල බැඟින් දවා ගත්තා.
ශ්‍රී ලංකා කණ්ඩායම අද තරඟයට කඬුලු රකින ක්‍රීඩක නිරෝෂන් දික්වැල්ල වෙනුවට නවක ක්‍රීඩක නිශාන් මධුෂ්ක කැඳවා තිබුණා.
