ඉන්ධන මිල අඩු කිරීම හේතුවෙන් ඉදිරියේදී එළවළු මිලද අඩුවනු ඇතැයි සමස්ථ ලංකා ආර්ථික මධ්යස්ථාන එකමුතුව පවසනවා. එහි සභාපති අරුණ ශාන්ත හෙට්ටිආරච්චි පැවසුවේ ඉන්ධන මිල අඩුවීම හේතුවෙන් එළවළු ප්රවාහන වියදම ද අඩුවන බවයි.
ඒ අනුව එම වාසිය ජනතාවට ලබාදෙන බවයි සභාපතිවරයා සඳහන් කළේ.
උත්සව සමයේ පදික වේදිකාවේ එළවළු විකිණීමට ලබාදී ඇති අවසරය ගැටළු සහගත බව ද මෙහිදී ප්රකාශ කෙරුණා.
මේ අතර ඉන්ධන මිල අඩුවීම හේතුවෙන් අද මධ්යම රාත්රියේ සිට බස් ගාස්තු ද සියයට 12 යි දශම 9 කින් අඩු වනවා. ත්රී රෝද රථ ගාස්තු ද අද සිට අඩු කෙරුණා. පාසල් ළමුන් ප්රවාහන සේවා ගාස්තු ද අඩු කිරීමටයි තීරණය කර ඇත්තේ.