කැළණිවැලි මාර්ගයේ දුම්රිය ධාවනයට තවදුරටත් බාධා එල්ලවී තිබෙනවා.
දුම්රිය දෙපාර්තමේන්තුව පැවසුවේ බොරැල්ල කොටා පාර දුම්රිය ස්ථානය ආසන්නයේදී ඊයේ පස්වරුවේ පීලි පැනීමට ලක්වූ දුම්රිය පීළිගත කිරීමේ කටයුතු අද අලුයම 4 යි 30 වන විට අවසන් කළ බවයි.
එහෙත් අදාළ ස්ථානයේ දුම්රිය මාර්ගයේ කැඩී ගිය කොටස සකස් කිරීමේ කටයුතු තවදුරටත් සිදුවන බවද දුම්රිය දෙපාර්තමේන්තුව පැවසුවා.
ඒ හේතුවෙන් කැළණිවැලි දුම්රිය මාර්ගයේ අද උදෑසන ධාවනය වීමට නියමිතව තිබූ දුම්රිය ගමන්වාර 07 ක් අවලංගු කිරීමට සිදුවූ බවයි දුම්රිය දෙපාර්තමේන්තුව වැඩිදුරටත් සඳහන් කළේ.