පාසල් සඳහා නොමිලේ ලබා දෙන ජල සැපයුම පාසලේ කටයුතු නොවන කාර්යයන් සඳහා භාවිත කරන බවට නිරීක්ෂණය කර ඇතැයි ජාතික ජල සම්පාදන හා ජලාපවාහන මණ්ඩලය පවසනවා. එබැවින් පාසැල්වල නියමිත ඒකක ප්‍රමාණය ඉක්මවා පරිභෝජනය කරන ජල ඒකක ප්‍රමාණය සඳහා ඉදිරියේදී ගාස්තු අය කිරීමට කටයුතු කරන බවයි එම මණ්ඩලයේ නියෝජ්‍ය සාමාන්‍යාධිකාරී වානිජ පියල් පද්මනාථ සඳහන් කළේ.
හඳුනාගත් ප්‍රදේශ කිහිපයක ජල පාරිභෝගිකයින් සඳහා ඔක්තොම්බර් මස 1වනදා සිට අත්හදාබැලීමේ පදනම මත ජල බිල්පත වෙනුවට කෙටි පණිවිඩ සේවාවක් සහ ඊ බිල්පතක් ලබා දීමට තීරණය කර ඇති බවයි මෙහිදී ප්‍රකාශ කෙරුණේ.
