චීන හිතවාදී මාලදිවයිනේ ජනාධිපති මොහොමඩ් මුයිසුගේ පාලක මහජන ජාතික කොංග්‍රසය (පීඑන්සී) පාර්ලිමේන්තු මැතිවරණයෙන් ජයග්‍රහණය කිරීමෙන් පසු මාස දෙකක් ඇතුළත මාලදිවයිනට සිය දෙවන සංචාරය සනිටුහන් කරමින් චීන සමුද්‍ර පර්යේෂණ නෞකාවක් වන ෂියැං යැං හොං 3 ඉකුත් සිකුරාදා යළි පැමිණ තිබෙනවා
මාලදිවයින් මුහුදේ සහ ඒ ආසන්නයේ යාත්‍රා කළද චීන යාත්‍රාව කිසිදු පර්යේෂණයක් සිදු නොකරන බව එරට ආරක්ෂක අමාත්‍ය ගසාන් මවුමුන් මාලදිවයින් පාර්ලිමේන්තුවට ප්‍රකාශ කර ඇතැයි විදෙස් මාධ්‍ය පැවසුවා.
"මාලදිවයිනේ කිසිදු පර්යේෂණයක් කිරීමට අවසරයක් ලබා දී නොමැත. Male හි නැංගුරම් ලා, ආහාර මිලදී ගැනීමෙන් පසු ඔවුන් කාර්ය මණ්ඩලයේ වෙනසක් සිදු කරයි. ගුවන් යානයකින් පැමිණි අය බෝට්ටුවට ගොඩ වූ අතර බෝට්ටුවේ සිටි අය ගුවන් යානයෙන් පිටත් වනු ඇති. ඒ අවසරය ලබා දී ඇත, ”, මාර්තු 25 වන දා ආරක්ෂක අමාත්‍යවරයා පාර්ලිමේන්තුවට පවසා තිබෙනවා.
කෙසේවෙතත් චින යාත්‍රාව බ්‍රහස්පතින්දා උදෑසන තිලෆුෂි කාර්මික දූපතේ වරායේ නැංගුරම් ලා තිබෙනු නිරීක්ෂණය කරන ලද නමුත් එය ආපසු පැමිණීමට නිශ්චිත හේතුව රජය විසින් අනාවරණය කර නොමැති බවයි විදෙස් මාධ්‍ය පැවසුවේ
