ජපානයේ පැවැත්වෙන සීකෝ ගෝල්ඩන් ග්‍රෑන්ඩ් පික්ස් මළල ක්‍රීඩා තරඟාවලියේදී මීටර් 400 ඉසව්වෙන් දෙවන ස්ථානය හිමිකර ගැනීමට ශ්‍රී ලංකාව නියෝජනය කළ කාලිංඝ කුමාරගේ සමත්වී තිබෙනවා.
එහිදී ඔහු දැක්වූ දක්ෂතාවය තප්පර 45.57ක් එම තරඟයේ පළමු ස්ථානය ජපානයේ කොන්ටාරෝ සාටෝ හිමිකරගෙන තිබෙනවා.
මේ අතර ඉතාලියේ පැවැති රෝම් ස්ප්‍රින්ට් ෆෙස්ටිවල්හි පිරිමි මීටර් 100 කෙටි දුර ධාවන තරඟයෙන් සිව්වන ස්ථානය දිනා ගැනීමට ශ්‍රී ලංකා කෙටි දුර ධාවක ශූර යුපුන් අබේකෝන් සමත්වී තිබෙනවා.
ඒ, ඔහු එම තරඟය තප්පර 10.21කින් නිමා කරමින්.
ඔහු එම තරඟය තප්පර 10කට වැඩි කාලයකින් නිමා කිරීම හේතුවෙන් පැරිස් ඔලිම්පික් වරම් දිනාගැනීමේ අවස්ථාව අහිමි වුණා.
එම තරඟයේ ප්‍රථම ස්ථානය ටෝකියෝ ඔලිම්පික් පදක්කම් ලාභී ජැකොබ් මාර්ෂල් විසින් හිමිකරගත්තා.
