පන්දුවාර විස්සයි විස්ස ක්‍රිකට් පිටියේ ලොව හොඳම පන්දු යවන්නන් සිව් දෙනා අතරට ශ්‍රී ලංකා පන්දු යවන්නන් දෙදෙනෙකු ඇතුළත්ව සිටිනවා.
ඒ, ජාත්‍යන්තර ක්‍රිකට් කවුන්සිලය අද ප්‍රකාශයට පත් කළ නවතම පන්දුවාර විස්සයි විස්ස ශ්‍රේණිගත කිරීමට අනුවයි.
ඒ අනුව එහි පළමු ස්ථානයේ වනිඳු හසරංග සමතැන් ගෙන සිටින්නේ එංගලන්තයේ ඇඩිල් රෂීඩ් සමගයි.
ශ්‍රී ලංකාවේ මහීෂ් තීක්ෂණ එක් ස්ථානයක් ඉදිරියට පැමිණෙමින් ලොව හොඳම පන්දු යවන්නන් අතර සිව්වන ස්ථානයට පත්ව සිටිනවා.
කෙසේවෙතත් පන්දුවාර විස්සයි විස්ස ක්‍රිකට් පිටියේ හොඳම පිතිකරුවන් 20දෙනා අතරට කිසිදු ශ්‍රී ලාංකික පිතිකරුවෙකු ඇතුළත්ව නැහැ.
පන්දුවාර විස්සයි විස්ස ලෝක කුසලාන ක්‍රිකට් තරඟාවගියට පෙර ජාත්‍යන්තර ක්‍රිකට් කවුන්සිලය ප්‍රකාශයට පත් කරන අවසන් ශ්‍රේණිගත කිරීමේ ලැයිස්තුව මෙයයි.
