ඉන්දීය අගමැති නරේන්ද්‍ර මෝදි සහ චීන ජනාධිපති ෂී ජින්පින්ග් හිමාලයේ සැබෑ පාලන රේඛාව සම්බන්ධයෙන් මේ සතියේ ප්‍රකාශයට පත් කරන ලද මුර සංචාර ගිවිසුම පිළිගෙන තිබෙනවා.
ඒ ඔවුන් රුසියාවේ කසාන් නගරයේදී එකිනෙකා හමුවූ අවස්ථාවේදීයි.
එමෙන්ම "ඉන්දියා-චීන දේශසීමා ප්‍රදේශවල 2020 දී මතු වූ ගැටළු විසඳීමට ද නායකයින් දෙපළ එකග වූ බව විදෙස් මාධ්‍ය පවසයි.
ඉන්දු - චීන නායකයින් දෙපළ මෙලෙස මුහුණට මුහුණ සාකච්ඡා සඳහා සහභාගී වූයේ වසර 05 කින් අනතුරුව වීම ද විශේෂත්වයක්.
මේ අතර, තවත් වැදගත් ඉදිරි පියවරක් ලෙස, දෙපාර්ශවයේම විශේෂ නියෝජිතයන් එනම් ඉන්දියාවේ ජාතික ආරක්ෂක උපදේශක අජිත් දොවාල් සහ චීනයේ විදේශ අමාත්‍ය වැන්ග් යී - "මායිම් ප්‍රශ්නයට සාධාරණ සහ අන්‍යෝන්‍ය වශයෙන් පිළිගත හැකි විසඳුමක් ගවේෂණය කිරීම සඳහා" ළඟදීම හමුවිය හැකි බව ද සඳහන්.
ඔවුන් දෙදෙනා ද 2019 වසරේ සිට විශේෂ නියෝජිතයන් ලෙස හමු වී නොමැති බව විදෙස් මාධ්‍ය වාර්තා කළා.
