ගුවන් සමාගම් කිහිපයක් හයිටි රාජ්‍ය වෙත ගුවන් ගමන් අත්හිටුවා තිබෙනවා.
ඒ, අමෙරිකාවේ සිට පැමිණි මගී ගුවන් යානයක් පෝර්ට් ඕ ප්‍රින්ස් වෙත ගොඩබෑමට උත්සාහ කිරීමේදී වෙඩි ප්‍රහාරයකට ලක්වීම හේතුවෙන්.
වෙඩි ප්‍රහාරයෙන් ගුවන් සේවිකාවක් සුළු තුවාල ලබා තිබෙනවා.
කෙසේවෙතත් කිසිදු මගියෙකුට හානියක් සිදුව නොමැති බවයි විදෙස් මාධ්‍ය පැවසුවේ.
ෆ්ලොරීඩාවේ සිට පැමිණ ඇති එම ගුවන් යානය ඩොමිනිකන් ජන රජය වෙත හරවා යවා ඇති බවයි විදෙස් මාධ්‍ය පැවසුවේ.
එහිදී අදාළ ගුවන් යානය ආරක්ෂිතව සෙන්ටියාගෝ ගුවන්තොටුපළ වෙත ගොඩ බස්සවා තිබෙනවා.
