ලග්ගල ප්‍රදේශයේ සිදුවූ කොල්ලයට සම්බන්ධ සැකකරුවන් 9 දෙනෙකු පොලිසිය විසින් අත්අඩංගුවට ගෙන තිබෙනවා.
පසුගිය 10 වනදා අවි පෙන්වා බිය ගන්වා රුපියල් කෝටි 6 කට අධික වටිනාකමින් යුත් නිල් මැණික්, රන් භාණ්ඩ සහ මුදල් සැකකරුවන් විසින් කොල්ලකා පලාගොස් තිබූ බවයි පොලීසිය පැවසුවේ.
අත්අඩංගුවට ගත් සැකකරුවන් අතර චීවරධාරියෙකු ද වනවා.
සැකකරුවන් වත්තේගම, සපුගස්කන්ද, පොල්පිතිගම, කුරුණෑගල, රත්නපුර හා විල්ගමුව ප්‍රදේශවල පදිංචිකරුවන් වනවා.
ඔවුන් සන්තකයේ තිබි කොල්ල කන රුපියල් කෝටියකට අධික මුදලක්, රන් පවුම් 7 ක් සහ අපරාධය සදහා භාවිත කළ සෙල්ලම් පිස්තෝල දෙකක්, පිහියක් සහ වෑන් රථයක්ද පොලීසිය විසින් සොයාගෙන තිබෙනවා.
සිද්ධිය සම්බන්ධයෙන් ලග්ගල පොලිස් ස්ථානය මගින් වැඩිදුර විමර්ශන ක්‍රියාත්මකයි.
