තණමල්විල ප්‍රදේශයේ මහා පරිමාණයෙන් හෙරොයින් ජාවාරමක් සිදු කළ තිදෙනෙකු අත්අඩංගුවට ගෙන තිබෙනවා.
ඒ, තණමල්විල මූලස්ථාන පොලිස් ස්ථානයේ නිලධාරීන් පිරිසක් විසින් එම ප්‍රදේශයේ සිදු කළ වැටලීමකදීයි.
එම වැටලීමේදී රුපියල් මිලියනයකට ආසන්න වටිනාකමකින් යුතු හෙරොයින් තොගයක් සොයා ගත් බවයි එම නිලධාරීන් පැවසුවේ.
අදාළ සැකකරුවන් අත්අඩංගුවට ගන්නා අවස්ථාවේදී ඔවුන් යතුරු පැදියකින් හෙරොයින් ප්‍රවාහනය කරමින් සිට තිබෙනවා.
ඊට අමතරව තවත් සැකකරුවකු අත්අඩංගුවට ගෙන ඇති අතර එම සැකකරු සන්තකයේ තිබී හෙරොයින් ද සොයා ගැණුනා.
