අයවැයෙන් යෝජනා කෙරුණු රථ වාහන දඩ, වාහනයේ වටිනාකම අනුව අයකර ගන්නා ලෙස සමස්ත ලංකා යතුරුපැදිකරුවන්ගේ සංගමය ජනාධිපතිවරයාගෙන් ඉල්ලීමක් කරනවා.
අවම දඩය ලෙස රුපියල් 2500 ක් අයකර ගැනීම යතුරුපැදිකරුවන්ට අසාධාරණ බවයි එම සංගමයේ ලේකම් චිරන්ත අමරසිංහ පැවසුවේ.
මෙවැනි දඩයක් පැනවීම තුළින් නීතිය ආරක්ෂා කිරීමක් හෝ විනය ඇති කිරීමක් සිදු කළ නොහැකි බවයි ඔහු පැවසුවේ.
ඔවුන් යෝජනා කරන්නේ එන්ජින් ධාරිතාව 100 ට අඩු යතුරුපැදි සඳහා අවම දඩයෙන් සියයට 30 ක් ද, සියයට වැඩි යතුරුපැදිවලින් සියයට පනහක දඩයක් ද අයකර ගන්නා ලෙසටයි.
අධි සුඛෝපභෝගී වාහන සඳහා අවම දඩය ලෙස රුපියල් දස දහසක් අයකර ගන්නා ලෙසට ද සමස්ත ලංකා යතුරුපැදිකරුවන්ගේ සංගමය යෝජනා කරනවා.