ලංගම බස් රථවලට පහරදීම් සිදුකරන පුද්ගලයින් අත්අඩංගුවට ගැනීමට පොලිසිය පරීක්ෂණ ආරම්භ කර තිබෙනවා.
රජයේ ප‍්‍රවෘත්ති දෙපාර්තමේන්තුව නිකුත් කළ නිවේදනයක දැක්වෙන්නේ සාමාන්‍ය ජන ජීවිතය අඩාල කිරීමටත් රාජ්‍ය දේපළවලට හානි කිරීමටත් එරෙහිව නීතිය තදින් කි‍්‍රයාත්මක කිරීමට පොලිසිය කටයුතු කරමින් සිටින බවයි.
අදාළ සිද්ධිවලට සම්බන්ධ පුද්ගලයින් ඉතා ඉක්මනින් අත්අඩංගුවට ගැනීමට පොලිසිය කටයුතු කරනු ඇති බවද එම නිවේදනයේ සඳහන්.
