පැහැරගැනීමට ලක්වූ ලිබියානු ගුවන් යානයේ සිටි මගීන් සියලූදෙනා නිරුපද්‍රිතව මුදාගත් බව මෝල්ටාවේ ආරක්ෂක අංශ පවසනවා.
පැහැරගැනීම සිදුකළ පුද්ගලයින් දෙදෙනා පොලිසිය වෙත භාර වූ බවයි මෝල්ටා අග්‍රාමාත්‍ය ජෝසෆ් මස්කට් ප්‍රකාශ කළේ.
ගුවන් යානය පැහැරගැනීමට යොදාගත් අත්බෝම්බයක් සහ ගිනිඅවියක් පොලිස් භාරයට ගැනුණා. පසුව සිදුකළ පරීක්ෂණවලදී අනාවරණ වී ඇත්තේ ගුවන් යානය පැහැරගැනීමට යොදාගත් ගිනිඅවිය සැබෑ එකක් නොවන බවයි.
මේ අතර පැහැරගැනීම සිදුකළ දෙදෙනා ලිබියාවේ හිටපු නායක කර්නල් ගඩාෆිගේ ආධාරකරුවන් බවද විදෙස් වාර්තාවල සඳහන්.
