සංහිඳියාව ගොඩ නැගිමේ කාර්යයේදී ආධ්‍යාත්මික නායකයින් පෙරමුණ ගත යුතු බව ජනාධිපති මෛත‍්‍රිපාල සිරිසේන මහතා පවසනවා.
මිනිසුන්ගේ හදවත් එක් කිරීමේ කාර්යයේදී සැබෑ පණිවිඩකරුවා වන්නේ ආධ්‍යාත්මික නායකයන් බවයි ජනාධිපතිවරයා පෙන්වා දෙන්නේ.
දංකොටුව සිංගක්කුලිය ප‍්‍රදේශයේ පැවති ‘‘එරබදු වසන්තම්‘‘ ජාතික හා සංහිදියාව පිළිබඳ සංස්කාතික ප‍්‍රසංගයට එක්වෙමින් ජනාධිපති මෛත‍්‍රිපාල සිරිසේන මහතා මෙම අදහස් පළ කළා.
මෙහිදි ස්වර්ගස්ථ වූ කලා ශූරි මර්සලින් ජයකොඩි පියතුමන්ට උපහාර පිදීමේ උත්සවයක්ද පැවැත්වුණා.
සියලු ජන කොටස් අතර සාමය සහ සංහිඳියාව තහවුරු කරමින් ශක්තිමත් ජන පවුරක් ලෙස අප ඉදිරියට යා යුතු බවයි ජනාධිපති මෛත‍්‍රීපාල සිරිසේන මහතා මෙහිදී වැඩිදුරටත් සඳහන් කළේ.
මෙම උත්සවය සංවිධාන කර තිබුණේ සරසවි කලා සංගමය විසින්.
