ඉතිහාසයේ සිට පැවත එන සංස්කෘතික උරුමයක් වන පෙරහැර මංගල්‍යය සඳහා අලි ඇතුන් යොදා ගැනීම කිසි විටෙකත් නතර නොකරන බව ජනාධිපති මෛත‍්‍රීපාල සිරිසේන මහතා පවසනවා.
ජනාධිපතිවරයා පෙන්වා දෙන්නේ ඇතැම් පිරිස් පවසන ආකාරයට වසර දහස් ගණනක මෙරට හෙළ සිරිත් විරිත් වෙනස් කළ නොහැකි බවයි.
ජනාධිපතිවරයා මෙම අදහස් පළ කළේ මහනුවර දළඳා මාළිගා පරිශ‍්‍රය ආශ‍්‍රිත ඓතිහාසික දේවලායන්හි කටයුතු පිළිබඳ ඊයේ (14) පස්වරුවේ පැවති සාකච්ඡාවකදීයි.
පෙරහැර සඳහා අලි ඇතුන් ලබා ගැනීමේ දී මතුව ඇති දුෂ්කරතා පිළිබඳ මෙහිදී දියවඩන නිලමේ ඇතුළු බස්නායක නිලමේවරුන් ජනාධිපතිවරයා වෙත කරුණු පැහැදිලි කර තිබෙනවා.
ජනාධිපතිවරයා එහිදී උපදෙස් ලබාදී ඇත්තේ පින්නවල සහ ඇත් අතුරු සෙවනේ සිටින හීලෑ ඇතුන් පෙරහැර සඳහා යොදා ගැනීමට අවශ්‍ය කටයුතු සොයා බලන ලෙසයි.
එමෙන්ම දැනට අධිකරණ භාරයේ සිටින පෙරහැර සඳහා සුදුසු අලි ඇතුන් බැදුම්කරයක් මගින් පෙරහැර සඳහා යොදා ගැනීමට අනුමැතිය ලබා ගැනීම පිළිබඳව ද මෙහිදී අවධානය යොමු වුණා.
