ත්රස්ත විමර්ශන කොට්ඨාසයේ හිටපු නියෝජ්ය පොලිස්පති නාලක සිල්වා සහ නාමල් කුමාර නමැත්තා සම්බන්ධ වූ සිද්ධියේ පිටුපස සිටින්නේ කවුදැයි වහාම සොයා බලා වාර්තා කරන ලෙස නීතිය හා සාමය පිළිබඳ අමාත්ය රංජිත් මද්දුම බණ්ඩාර අපරාධ පරීක්ෂණ දෙපාර්තමේන්තුවට උපදෙස් දී තිබෙනවා.
ජනාධිපතිවරයා සහ හිටපු ආරක්ෂක ලේකම් ගෝඨාභය රාජපක්ෂ ඝාතනය කිරීමට නියෝජ්ය පොලිස්පති නාලක සිල්වා කුමන්ත්රණය කළ බවටයි අදහස් පළව තිබෙන්නේ. මෙම කුමන්ත්රණයට අදාළ බව කියන දුරකතන සංවාදවල හඬපට කිහිපයක් නාමල් කුමාර නමැත්තා ඉකුත්දා අපරාධ පරීක්ෂණ දෙපාර්තමේන්තුවට භාරදුන්නා.
කෙසේවෙතත් මෙම සිද්ධිය සම්බන්ධයෙන් විමර්ශන මන්දගාමීව සිදුවන බවයි ඒකාබද්ධ විපක්ෂය ඇතුළු පාර්ශව කිහිපයක් චෝදනා කරන්නේ.