ආණමඩුව පොලීසියේ දුෂණ මර්ධන අංශයේ ස්ථානාධිපතිවරයා සතුන්ට අටවන ලද ගිනි අවියකට බිලිවීමෙන් තුවාල ලබා රෝහල් ගත කර තිබෙනවා.
ප්‍රතිකාර සඳහා ඔහුව ඇතුළත් කෙරුණේ පුත්තලම මූලික රෝහලටයි.
ඊයේ (19) සවස ආණමඩුව - පෙරියකුලම ප්‍රදේශයේදී මෙම අනතුර සිදුවී ඇත්තේ නීති විරෝධී මත්පැන් වැටලීමකට ගිය අවස්ථාවේදීයි.
අනතුරට පත්ව ඇත්තේ උප පොලිස් පරීක්ෂක මදුරංග නම්වූ නිලධාරියෙක්.
තුවාල ලබා ඇති උප පොලිස් පරීක්ෂකවරයා සමග තවත් නිලධාරීන් කිහිප දෙනෙකු සිට ඇති නමුත් ඔවුන්ට හානියක් සිදුවී නැහැ.
ගිනි අවිය අටවා ඇත්තේ කව්රුන් විසින්ද යන්න මෙතෙක් අනාවරණය වී නැති අතර ආණමඩුව පොලීසිය වැඩිදුර විමර්ශණ කටයුතු සිදු කරනවා.
