කලහකාරී කටයුතුවලින් සිදුවන්නේ අවස්ථාවාදී දේශපාලනඥයින්ට හා විදේශීය බලවේගවලට උදව් දීම පමණක් බව අස්ගිරි පාර්ශ්වයේ මහා නායක අතිපූජ්‍ය වරකාගොඩ ඥාණරතන හිමියන් පවසනවා.
උන්වහන්සේ පෙන්වා දෙන්නේ එබැවින් සියලූ දෙනා සාමකාමීව කටයුතු කළ යුතු බවයි.
මේ අතර කොළඹ අගරදගුරු අතිඋතුම් මැල්කම් කාදිනල් රංජිත් හිමියන් පැවසුවේ මෙම අවස්ථාවේ සියලූ දෙනා බුද්ධිමත්ව කටයුතු කළ යුතු බවයි.
සිය ප‍්‍රදේශවල සාමය සහ සහජීවනය ආරක්ෂා කිරීමට කැප වන ලෙස ද කාදිනල් හිමියන් මෙහිදී සියලූ ආගමික නායකයින්ගෙන් ඉල්ලීමක් කළා.
