දරුවන් තිදෙනෙකුට දිවි අහිමි කරමින් කැකිරාව කොරසගල්ල මංසන්ධිය ප්රදේශයේ අද පෙරවරුවේ සිදුවූ රිය අනතුරට සම්බන්ධ කැබ් රථය පැදවූ රියදුරා මේ මස 19වනදා තෙක් රක්ෂිත බන්ධනාගාර ගත කර තිබෙනවා.
ඒ, කැකිරාව මහේස්ත්රාත් නිලන්ත විමලරත්නගේ නියෝගයකට අනුවයි. අනතුරෙන් ජීවිතක්ෂයට පත්වුණේ උපකාරක පන්ති යාම සඳහා බස් රථයක් පැමිණෙන තෙක් මාර්ගය අයිනේ රැඳී සිටි සිසුන් තිදෙනෙක්.
ඔවුන් අවුරුදු 14, 15 සහ 16යන වයස්වල පසුවුණා. අනතුරෙන් තුවාල ලැබූ තවත් සිසුවෙකු දඹුල්ල රෝහලේ ප්රතිකාර ලබනවා.