ශ්රී ලංකා නිදහස් පොදුජන සන්ධානය පිහිටුවීම සඳහා ගිවිසුම් අත්සන් කිරීම ලබන 31 වනදා සිදුකිරීමට නියමිත බව ශ්රී ලංකා නිදහස් පක්ෂයේ මහ ලේකම් පාර්ලිමේන්තු මන්ත්රී දයාසිරි ජයසේකර පවසනවා. ජපානයේ නිල සංචාරයක නිරත වී සිටින ජනාධිපති මෛත්රීපාල සිරිසේන මහතා දිවයිනට පැමිණීමෙන් පසු එම ගිවිසුමට අත්සන් තැබෙන බවයි ඔහු ප්රකාශ කළේ.
ශ්රී ලංකා නිදහස් පක්ෂය, ජාතික නිදහස් පෙරමුණ, පිවිතුරු හෙළ උරුමය සහ මහජන එක්සත් පෙරමුණ ඇතුළු ශ්රී ලංකා පොදුජන පෙරමුණට සහය දක්වන පක්ෂ රැසක් එම ගිවිසුමට අත්සන් තැබීමට නියමිතව තිබෙනවා. එම පක්ෂ දෙක මෙලෙස ගිවිසුම් ගතවන්නේ ඉදිරි මහ මැතිවරණයේදී ශ්රී ලංකා නිදහස් පොදුජන සන්ධානය යටතේ තරග කිරීම සඳහායි.