ප්‍රවීන සංගීත ශිල්පී ලක්ෂ්මන් විජේසේකර ගේ බිරිඳ වන ප්‍රවීන චිත්‍රපට හා ටෙලි නාට්‍ය රංගන ශිල්පිනියක් වන චන්ද්‍රා කළුආරච්චි මහත්මිය අභාවප්ප්‍රාප්ත වී තිබෙනවා. මියයන විට එතුමියට වයස අවුරුදු 76 ක් බවයි පවුලේ ඥාතින් ප්‍රකාශ කර සිටියේ.
1960 දශකයේදී සිනමාවට පිවිසි චන්ද්‍රා කළුආරච්චි මහත්මිය රංගනයෙන් දායකවූ චිත්‍රපට අතර රෝමියෝ ජුලියට් කතාවක්, දඬුමොණරා, ආරාධනා, හිමගිර, යුවතිපති, පවුරු වළලු, ඉර මැදියම, බොරදිය පොකුණ සහ නිසල ගිර බෙහෙවින් ප්‍රේක්ෂක සිත් ඇද තබා ගත්තා.
