මහරගම අපේක්ෂා රෝහලට අත්යාවශ්යව තිබූ පිළිකා ඖෂධ 24 ක් මිල දී ගැනීම සඳහා රුපියල් මිලියන දහසක ප්රතිපාදන වෙන් කර ඇති බව සෞඛ්ය අමාත්යාංශය පවසනවා. අත්යාවශ්ය ඖෂධ වර්ග හදිසි මිලදී ගැනීමේ ක්රමවේදය උපයෝගී කර ගනිමින් රාජ්ය ඖෂධ නීතිගත සංස්ථාව මගින් එම ඖෂධ මිල දී ගෙන ඉදිරි සතිය තුල මහරගම අපේක්ෂා රෝහල වෙත ලබාදීමට නියමිතයි.
ඉදිරි මාසයක කාලය තුල දී අත්යාවශ්ය ඖෂධවල හිඟය මගහරවා ගැනීමට හැකිවනු ඇති බවයි සෞඛ්ය අමාත්යාංශය සඳහන් කළේ. ඖෂධ මිල දී ගැනීම් පිළිබදව අනුගමනය කරන ක්රමවේදයන් යාවත්කාලීන කිරීම කෙරෙහි ද සෞඛ්ය අමාත්යාංශයේ අවධානය යොමු වී තිබෙනවා.