ශ්රී ලංකා නිදහස් පක්ෂයේ ඩාර්ලි පාර කාර්යාලය ඉදිරිපිටදී හූ කියමින් අපහාසාත්මක ලෙස හැසිරුණු බවට ජන සටන පාද යාත්රාවේ පැමිණි පිරිස්වලට චෝදනාවක් පවතිනවා.
ඊට පිළිතුරු දුන් පාර්ලිමේන්තු මන්ත‍්‍රී ඩලස් අලහප්පෙරුම පැවසුවේ ඒ පිළිබඳව පාද යාත්රාවේ කමිටුව නිල වශයෙන් කණගාටුව ප්‍රකාශ කර ඇති බවයි. කවුරුන් හෝ කෙනෙකු එසේ කීවේ නම් හෝ ජනාධිපතිවරයාට අපහාස වෙන පෞද්ගලික ප්‍රකාශ සිදු කළා නම් අවංකවම ඒ ගැන කණගාටු වෙන බවත් සඳහන් කළා.
එහෙත් ශ්රී ලංකා නිදහස් පක්ෂයේ නිල පුටුවල ඉන්න සියලු දෙනාගෙන්ම තමන් ඉල්ලීමක් කරන බවද පැවසුවා. ඒ පක්ෂයේ නිර්මාතෘවරයාගේ සොහොන අසළදී ගෞරවාන්විත අයුරින් පැමිණ පක්ෂ මූලස්ථානය අසළදී එසේ හැසිරුනා නම් එසේ වූයේ ඇයි යන්න අභ්‍යන්තර සාකච්ඡාවක් මගින් විසඳගත යුතු බව පවසමින්.
