ලොවපුරා ලක්ෂ 30 කට ආසන්න පිරිසකට ආසාදනය වෙමින් කොරෝනා වෛරසයේ ව්යාප්තිය ආරම්භ වූ චීනයේ වූහාන් ප්රාන්තය අද කොරෝනා වෛරසයෙන් නිදහස් වී තිබෙනවා.
චීන බලධාරීන් පවසන්නේ වූහාන් ප්රාන්තය තුළ මේ වනවිට කිසිදු කොරෝනා රෝගියෙකු නොමැති බවයි. බරපතල තත්ත්වයේ පසු වූ අවසන් රෝගියාද සුව වී පිටව ගිය බව චීන ජාතික සෞඛ්ය කොමිසමේ ප්රකාශක මයි ෆෙන්ග් අද ප්රකාශ කළා.
වූහාන් ප්රාන්තයෙන් කිසිදු නව කොරෝනා ආසාදිතයෙකුද වාර්තා වී නැහැ.
කොරෝනා වෛරසයේ ව්යාප්තිය ආරම්භ වූ ඉකුත් දෙසැම්බර් මාසයේ සිට චීනයෙන් වාර්තා වූ මුළු කොරෝනා රෝගීන් ගණන 82,816 ක්. ඉන් සියයට 56 ක් එනම් රෝගීන් 46,452 ක් වාර්තා වන්නේ වූහාන් ප්රාන්තයෙන්.
වෛරසයේ ව්යාප්තිය ආරම්භයත් සමග දින 76 ක් ප්රාන්තය සම්පූර්ණයෙන්ම වසා දැමීමට සිදුවුණා.
මේ අතරතුර රෝගීන් 1,990 දෙනෙකු සමග ඉන්දියාවෙන් දිනක් තුළ වාර්තා වන වැඩිම කොරෝනා රෝගීන් සංඛ්යාව අද වාර්තා වුණා. ඒ අනුව මේ වනවිට ඉන්දියාවෙන් වාර්තා වන මුළු කොරෝනා රෝගීන් ගණන 26,496 ක්.
ඉන්දීය වෛද්ය පර්යේෂණ සභාව පවසන්නේ මේ දක්වා ඉන්දියාව තුළ පුද්ගලයින් හය ලක්ෂ 25,309 දෙනෙකු කොරෝනා සාම්පල් පරීක්ෂාවකට ලක්කර ඇති බවයි.
මේ අතර දෛනිකව සිදුකරන පීසීආර් පරීක්ෂණ සංඛ්යාව ලක්ෂයක් දක්වා වැඩි කිරීමට බි්රතාන්ය සැලසුම් කරද්දී අමෙරිකාවේ නිව්යෝර්ක් බලධාරීන් සැරසෙන්නේ සිදුකරන පරීක්ෂණ පෞද්ගලික ඔසුසැල් 5,000 කටද ලබාදීමටයි.
ඒ, දෛනික පරීක්ෂණ සංඛ්යාව 40,000 ක් දක්වා ඉහළ නැංවීමේ අරමුණින්. ඔක්ස්ෆර්ඞ් විශ්ව විද්යාලය පවසන්නේ බි්රතාත්ය ජනගහණයෙන් 10% කට වැඩි පිරිසකට කොරෝනා වෛරසය වැළදී ඇතැයි සැක කරන බවයි.