හැටන් මහජන වෙළඳපල පිටුපස පාරිභෝගිකයින්ට අවහිර වන සේ පවත්වාගෙන ගිය අනවසර වෙළඳසැල් ඉවත් කිරීමට හැටන් දික්ඔය නගර සභාවේ නිලධාරීන් අද කටයුතු කිරීමත් සමග ඔවුන් සහ වෙළඳුන් අතර නොසන්සුන්තාවක් හට ගත්තා.
අදාළ වෙළඳසැල් ඉවත් කරන ලෙස හැටන් දික්ඔය නගර සභාව වෙළඳුන්ට මීට පෙර දැනුම්දීමක් ද සිදුකර ඇති බවයි නෙත් නිවුස් වාර්තාකරු පැවසුවේ. අදාළ වෙළඳසැල්වල තිබූ භාණ්ඩ හැටන් දික්ඔය නගර සභාව වෙත රැගෙන යාමට එහි නිලධාරීන් කටයුතු කර තිබෙනවා.
