ඡන්ද මධ්‍යස්ථාන තුළ රාතී‍්‍ර කාලයේ රැඳී සිටින මැතිවරණ නිලධාරීන්ට දුම්වැටි, මත්පැන්, වෙනත් මත්ද්‍රව්‍ය සහ ලයිටර් රැගෙන ඒම සපුරා තහනම් බව මැතිවරණ කොමිෂන් සභාව පවසනවා.
මැතිවරණ කොමිෂන් සභාවේ සභාපති මහින්ද දේශපි‍්‍රය ඒ සම්බන්ධයෙන් අදහස් දක්වමින් මේ බව සඳහන් කළා.
මේ අතර ඡන්ද මධ්‍යස්ථාන තුළ සෞඛ්‍ය ආරක්ෂාව තහවුරු කර ඇති බැවින් මැතිවරණ රාජකාරී සිදුකරන නිලධාරීන් සහ ඡන්ද දායකයින් ඒ පිළිබඳ බියක් ඇතිකර ගත යුතු නොමැති බව ද මෙහිදී ප‍්‍රකාශ කෙරුණා.
