රුපියල් මිලියන 27 කට අධික වටිනාකමකින් යුත් කහ කිලෝ ග්රෑම් 4300ක් සහ එනසාල් කිලෝ ග්රෑම් 80ක් සමග සැකකරුවෙකු මන්නාමර, පේසාලේ ප්රදේශයේදී යුද හමුදාව විසින් අද උදෑසන අත්අඩංගුවට ගෙන තිබෙනවා.
ලද බුද්ධි තොරතුරක් මත මෙම වැටලීම සිදුකර ඇත්තේ යුද හමුදාවේ 54 වන සේනාංකයට අයත් 543 වෙනි බල සේනාංකයේ භට පිරිස් විසින්ය.
මෙහිදී මෙම කහ සහ එනසාල් තොගය ප්රවාහනය කිරීමට යොදා ගනු ලැබූ කැබ් රථයක් ද යුද හමුදා භට පිරිස් විසින් සිය භාරයට ගෙන ඇත.
අත්අඩංගුවට ගනු ලැබූ කහ සහ එනසාල් තොගය හා සැකකරුව වැඩිදුර විමර්ශන සඳහා තලෙයිමන්නාරම පොලිසියට භාරදී ඇත.