වාහන අංක තහඩු නිකුත් කිරීමේදී මෙතෙක් ඊට ඇතුළත් කළ පළාත් අක්ෂර ඉවත් කිරීමට අමාත්ය මණ්ඩලය විසින් ගනුලැබූ තීරණය ලබන ජනවාරි මස 01 වනදා සිට කි්රයාත්මක කරන බව විෂය භාර රාජ්ය අමාත්ය දිලූම් අමුණුගම පවසනවා.
එම තීරණය අනුව දැනට ලියාපදිංචි කර ඇති වාහන එක් පළාතකින් තවත් පළාතක පුද්ගලයෙකුට විකිණීමේදී අංක තහඩු වෙනස් කිරීම අවශ්ය නොවන බවයි රාජ්ය අමාත්යවරයා නෙත් නිවුස් කළ විමසීමකදී කියා සිටියේ.
මීට අදාළ ගැසට් නිවේදනය ඉදිරියේදී නිකුත් කිරීමට නියමිත බව ද රාජ්ය අමාත්ය දිලූම් අමුණුගම වැඩිදුරටත් සඳහන් කළා.