මධ්‍යම, සබරගමුව සහ බස්නාහිර පළාත්වලට අද දිනයේ විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා. එම පළාත්වල ඇතැම් ස්ථානවලට මිලිමීටර් 75 ක පමණ තරමක තද වැසි අපේක්‍ෂා කළ හැකියි. අපේක්‍ෂිත කාලගුණ අනාවැකිය කාර්යයේ නියුතු කාලගුණ විද්‍යාඥ කසුන් පැස්කුවෙල්ගෙන්.
ඊයේ රාත්‍රී නවයෙන් අවසන් වූ පැය 24 ක කාලය තුළ වැඩිම වර්ෂාපතනය රත්නපුර දිස්ත්‍රික්කයේ ඇහැලියගොඩ ප්‍රදේශයෙන් වාර්තා වී තිබෙනවා. එහි අගය මිලිමීටර් 99 ක්. කෑගල්ල දිස්ත්‍රික්කයේ මුදුගමුව ප්‍රදේශයට මිලිමීටර් 78 ක සහ රත්නපුර දිස්ත්‍රික්කයේ කීරගල ප්‍රදේශයට මිලිමීටර් 72 යි දශම 5 ක වර්ෂාපතනයක් ද ලැබී තිබෙන බවයි කාලගුණ විද්‍යා දෙපාර්තමේන්තුව සදහන් කළේ.
මේ අතර කෑගල්ල සහ රත්නපුර දිස්ත්‍රික්කවලට අදාළව නිකුත් කර ඇති නායයෑම් අනතුරු ඇඟවීම තවදුරටත් දීර්ඝ කර තිබෙනවා.
