ගුරුවරුන් සහ විදුහල්පතිවරුන් පිරිසක් කොළඹ කොටුව දුම්රියපළ ඉදිරිපිටදී අද උදෑසන ආරම්භ කළ විරෝධතාව හේතුවෙන් කොළඹ කොටුවේ මාර්ග කිහිපයක රථවාහන ධාවනයට බාධා එල්ල වුණා.
ඒ, උද්ඝෝෂකයින් පාගමනින් ජනාධිපති ලේකම් කාර්යාලය දක්වා ගමන් කිරීම හේතුවෙන්.
වැටුප් විෂමතා, කොතලාවල පනත අහෝසි කිරීම ඇතුළු ඉල්ලීම් කිහිපයක් මුල් කර ගනිමින් ගුරු විදුහල්පති වෘත්තීය සමිති කිහිපයක් මෙම විරෝධතාවට එක්ව සිටිනවා. මේ හේතුවෙන් අදත් දිවයින පුරා දරුවන්ගේ ඔන්ලයින් අධ්යාපන කටයුතු බිඳ වැටී තිබෙනවා.