රජය පිළිබද ජනතාවට ඇති විශ්වාසය කඩ වී ඇතැයි ශ්‍රී ලංකා මුස්ලිම් කොංග්‍රසයේ නායක පාර්ලිමේන්තු මන්ත්‍රී රාවුෆ් හකීම් පවසනවා. මෙරට සම්පත් විකිණීමට රජය සිදුකරනු ලබන වැඩපිළිවෙල හරහා එය මනාව පැහැදිලි වන බවයි මන්ත්‍රීවරයා ප්‍රකාශ කළේ.
ඛනිජ තෙල්, විදුලිය, වරාය ජාතික සම්පත් සුරැකීමේ ඒකාබද්ධ වෘත්තීය සමිති එකමුතුවේ නියෝජිතයන් සමග පැවති සාකච්ඡාවකින් අනතුරුව ශ්‍රී ලංකා මුස්ලිම් කොංග්‍රසයේ නායක පාර්ලිමේන්තු මන්ත්‍රී රාවුෆ් හකීම් මාධ්‍ය හමුවේ මෙම අදහස් පළ කළා.
