කොතරම් අපහසු තත්ත්වයක් යටතේ වුවද ජාත්‍යන්තර මූල්‍ය අරමුදලෙන් ණය ලබා ගැනීමට ආණ්ඩුවට ඉඩ නොදෙන බව අමාත්‍ය වාසුදේව නානායක්කාර අද පාර්ලිමේන්තුවේදී ප්‍රකාශ කළා.
ඒ, අයවැය දෙවන වර කියවීමේ විවාදයට එක්වෙමින්.
එම විවාදයේ තුන්වන දිනය වු අද විවාදය ආරම්භ කරමින් අදහස් දැක්වු අග්‍රාමාත්‍ය මහින්ද රාජපක්ෂ මහතා කියා සිටියේ ආර්ථිකය යථා තත්ත්වයට පත් කර ගැනිම සඳහා අඛණ්ඩව පහසුකම් සැලසීමට ක්‍රියා කරන බවයි.
මෙම විවාදයට එක්වු හිටපු අග්‍රාමාත්‍ය රනිල් වික්‍රමසිංහ මහතා කියා සිටියේ පවතින ආර්ථික සහ මුල්‍ය ගැටලු සමනය කර ගැනීම සඳහා ජාත්‍යන්තර මුල්‍ය අරමුදලේ සහය ලබා ගත යුතු බවයි.
ඉන් අනතුරුව විවාදයට එක්වූ වාසුදේව නානායක්කාර මෙලෙස අදහස් පළ කළා.
