සමගි ජන බලවේගය පක්ෂය විසින් ඊයේ දින පවත්වනු ලැබූ උද්ඝෝෂණයට බෝම්බ ප්‍රහාරයක් එල්ල වන බවට කුරුඳුවත්ත පොලීසිය වෙත අසත්‍ය පැමිණිල්ලක් ඉදිරිපත් කළ පුද්ගලයා නොවැම්බර් මස 24 වනදා දක්වා තෙක් රක්ෂිත බන්ධනාගාර ගත කිරීමට කොළඹ ප්‍රධාන මහෙස්ත්‍රාත් අධිකරණය අද නියෝග කළා.
සැකකරු අද දින කොළඹ අපරාධ කොට්ඨාශය විසින් අත්අඩංගුවට ගෙන කොළඹ ප්‍රධාන මහෙස්ත්‍රාත් බුද්ධික සී රාගල මහතා වෙත ඉදිරිපත් කරනු ලැබුවා.
මේ අතර සැකකරුගේ මානසික තත්ත්වය පරීක්ෂා කිරීම සදහා ඔහු මානසික රෝග වෛද්‍යවරයකු වෙත ඉදිරිපත් කිරීමට ප්‍රධාන මහේස්ත්‍රාත්වරයා නියෝගයක් නිකුත් කරන ලදී.
සැකකරු විසින් සමගි ජන බලවේගය මඟින් පවත්වනු ලබන උද්ඝෝෂණ මාලාවට බෝම්බ ප්‍රහාරයක් එල්ලවීමට නියමිත බව සඳහන් කරමින් කුරුඳුවත්ත පොලීසිය වෙත පැමිණිල්ලක් ඉදිරිපත් කර ප්‍රකාශයක් ද ලබාදී තිබුණි.
සිද්ධියට අදාළව වැඩිදුර පරීක්ෂණ පවත්වන බව කොළඹ අපරාධ කොට්ඨාශය අධිකරණයට දැනුම් දෙන ලදී.
