අයවැය දෙවනවර කියවීමේ ඡන්ද විමසීම අද පැවැත්වෙනවා. අයවැය දෙවනවර කියවීමේ විවාදය ඉකුත් 13 වනදා ආරම්භ වූ අතර එහි ඡන්ද විමසීම අද පස්වරු 05 ට පාර්ලිමේන්තුවේදී පැවැත්වීමට නියමිතයි. 2022 වසරට අදාළ අයවැය යෝජනා ඉකුත් 12 වනදා පාර්ලිමේන්තුවට ඉදිරිපත් කළේ මුදල් අමාත්‍ය බැසිල් රාජපක්ෂ විසින්. අයවැය 03 වන වර කියවීම හෙවත් කාරක සභා විවාදය හෙට සිට දෙසැම්බර් 10 වනදා දක්වා පැවැත්වෙනවා.
මේ, අද පස්වරුවේ පැවැත්වෙන අයවැය දෙවනවර කියවීමේ ඡන්ද විමසීම පිළිබඳව අදහස් පළ කළ රාජ්‍ය අමාත්‍ය ෂෙහාන් සේමසිංහ.
ආණ්ඩුව මෙවර පාර්ලිමේන්තුවට ඉදිරිපත් කළ අයවැය ලේඛණයේ සංඛ්‍යා ලේඛණ විශ්වාස කළ නොහැකි බවයි සමගි ජනබලවේගයේ පාර්ලිමේන්තු මන්ත්‍රී රංජිත් මද්දුමබණ්ඩාර පැවසුවේ.
