බ්‍රිතාන්‍ය දෙවන එළිසබෙත් මහ රැජිණ ගේ සෞඛ්‍ය තත්ත්වය සම්බන්ධයෙන් බකින්හැම් මාලිගාව නිහඬ පිළිවෙතක් අනුගමනය කරන බවට බ්‍රිතාන්‍ය මාධ්‍ය වාර්තා කර සිටිනවා.
ඒ මේ වන විට කොවිඩ් වෛරසය ආසාදනය වී සිටින ඔටුන්න හිමි චාර්ල්ස් කුමරු වෛරසය ආසදනය වී ඇති බවට හඳුනා ගැනීමට පැය 48 කට පෙර සිය මව වන දෙවන එළිසබෙත් මහ රැජිණ බැහැදැකීම හේතුවෙන්ය.
මේ වන විට බ්‍රිතාන්‍ය මහ රැජිණ ගේ සෞඛ්‍ය තත්ත්වය ගැන වෛද්‍යවරුන් දැඩි අවදානයකින් පසුවන බවයි එරට මාධ්‍ය වාර්තා කර සිටියේ.
මේ අතර කොවිඩ් වෛරසය ආසාදිත චාර්ල්ස් කුමරුගේ බිරිඳ වන කෝර්න්වෝල් ආදිපාදවරිය කැමිලා පාකර් හටද, කෝවිඞ් 19 වෛරසය ආසාදනය වී ඇති බව විදෙස් මාධ්‍ය වාර්තා කර සිටිනවා.
කෝර්න්වෝල් ආදිපාදවරිය කැමිලා පාකර් මේ වන විට ස්වයං නිරෝධානයට යොමු වී ඇති බවත් ඇය කොවිඩ් මර්ධන එන්නත් දෙක සහ බූස්ටර් එන්නත ද ලබාගෙන සිටිය බවයි විදෙස් මාධ්‍ය වාර්තා කර සිටියේ.
මේ වන විට චාර්ල්ස් කුමරුන් දෙවන වරටද කොවිඩ් වෛරසය ආසාදනය වීම හේතුවෙන් ස්වයං නිරෝධායනයට ලක්ව සිටිනවා.
සිය සැමියා කොවිඩ් ආසාදිතයෙක් බවට වාර්තා වී පැය 24ක් ගතවීමෙන් අනතුරුවද කෝර්න්වෝල් ආදිපාදවරිය මහජන හමුවකට එක්වූ බවට සඳහන් වනවා.
