ප්‍රහසන චරිත නිරූපණය සම්බන්ධයෙන් නම් දරා සිටි මෙරට ප්‍රවීන රංගන ශිල්පියෙකු වන බර්ටි ගුණතිලක මහතා අභාවප්‍රාප්ත වී තිබෙනවා. මියයන විට ඒ මහතා 98 වන වියේ පසුවුණා.
කලක සිට රෝගාතුරව සිටි ඒ මහතා කහවත්ත මූලික රෝහලේ ප්‍රතිකාර ලබමින් සිටියදී අද උදෑසන අභාවප්‍රාප්ත වී ඇති බවයි නෙත් නිවුස් වාර්තාකරු පැවසුවේ.
“විනෝද සමය” රූපවාහිනි විකට කථා මාලාවේ “බබා” චරිතය නිරූපනය කළ බර්ටි ගුණතිලක මහතා, ප්‍රහසන චරිත නිරූපනයට තමන් සතු වූ ඇති හැකියාව නිසාම මෙරට ජනතාව අතර ප්‍රසිද්ධ පුද්ගලයෙකු බවට පත්වුණා.
