පොලිස්පති සී ඩී වික්රමරත්න අපකීර්තියට පත්වන ආකාරයෙන් එක්තරා උසස් පොලිස් නිලධාරියෙකු විසින් ප්රචාර පතුරුවා හරින බවට තොරතුරු වාර්තා වනවා. ඒ අනුව පසුගියදා රඹුක්කන පැවැති මහජන විරෝධතාවයේදී සිදුවූ ඇතැම් සිදුවීම්වලට ද පොලිස්පතිවරයා සම්බන්ධ කිරීමට මෙම උසස් පොලිස් නිලධාරියා උත්සහ කරමින් සිටින බවටයි වාර්තා වන්නේ.
එමෙන්ම පාස්කු ප්රහාරය සම්බන්ධයෙන් තොරතුරු ලැබී තිබියදී එය වළක්වා ගැනීමට කටයුතු නොකිරීම සම්බන්ධයෙන් ද මෙම උසස් පොලිස් නිලධාරියාට චෝදනා එල්ල වී තිබෙනවා. එමෙන්ම ඇතැම් දේශපාලනඥයින් සමගින් සමීප සම්බන්ධතා පවත්වන මෙම නිලධාරියාට, නීතිය අවභාවිත කිරීම සම්බන්ධයෙන් ද මේවනවිට චෝදනා රැසක් එල්ල වෙමින් තිබෙනවා.
එමෙන්ම යුද්ධ හමුදාවට අනියුක්තව සේවය කරන, ජනාධිපතිවරයාට සමීප ආරක්ෂක ප්රධානීන් සමග ද ඔහු සමීපව ඇසුරු කරන බව ද එසේ සිදුකරන්නේ තමාට යම් ආරක්ෂාවක් සඳහා වන බවට ද තොරතුරු වාර්තා වනවා.
කෙසේවෙතත් අදාළ උසස් පොලිස් නිලධාරියාගේ ක්රියාකලාපය සහ ඔහුට එල්ල වන චෝදනා සම්බන්ධයෙන් පොලිස් දෙපාර්තමේන්තුව තුළ ද දැඩි කථාබහක් මතුව ඇති බවයි වාර්තා වුණේ.