මේ මොහොතේ ශ්‍රී ලංකාවට තිබෙන ඵකම හා හොදම විසදුම චීනයේ සහාය පැතීම නොවන බව මෙරට චීන තානාපති චී චෙන්හොංග් පවසනවා. කෙසේ වෙතත් ශ්‍රී ලංකාව මුහුණ දී සිටින අර්බුදයෙන් ගොඩ ඵ්ම සදහා චීනය ඕනෑම මොහොතක සහය ලබා දෙන බවයි කොළඹ පිහිටි චීන තානාපති කාර්යාලයේදි මාධ්‍ය ප්‍රධානින් සමග අද පැවති සාකච්ඡාවකදී පැවසුවේ.
අන්තර්ජාතික වශයෙන් ශ්‍රී ලංකාවට බොහෝ මිතුරන් සිටින බවත් මේ මොහොතේ බටහිර රටවල් ශ්‍රී ලංකාවට තම මූල්‍යමය සහයෝගය ලබා දිය යුතු බවත් චීන තානාපතිවරයා එහිදී පැවසුවා. ඵමෙන්ම ශ්‍රී ලංකාව අයි ඵම් ඵෆ් සමග කටයුතු කරන ආකාරය දෙස අවධානයෙන් යුතුව බලා සිටින බවයි ඔහු අවධාරණය කළේ. මේ මොහොතේදි ශ්‍රී ලංකාව කඩිනම් විසදුම් සොයන අතරතුර දීර්ඝකාලීන විසදුම් ද සෙවිය යුතු බවත් රටක මූල්‍යමය කටයුතු දේශපාලනීකරණය නොවිය යුතු බවත් ඔහු සදහන් කලා.
වර්තමානයේ පවතින අර්බුදයෙන් මිදීම සදහා 2021 වසරේ ජූලි මාසයේ සිට 2022 ජනවාරි මාසය දක්වා චීනය විසින් මෙරටට මෙටි්‍රක් ටොන් හත් ලක්ෂ 30,000ක ඉන්ධන සපයා තිබෙනවා. මෙලෙස ඉන්ධන ලබාගත්තද මුදල් ගෙවා ඇත්තේ ඉන්ධන තොග 7 ක් සදහා පමණක් බවත් තවත් ඉන්ධන තොග 12 කට මුදල් ගෙවීමට ඉතිරිව ඇති බවත් චීන තානාපතිවරයා පැවසුවා.
ඵ් අනුව ශ්‍රී ලංකාව, චීනයෙන් ලබා ගත් ඉන්ධන වෙනුවෙන් ගෙවීමට ඇති මුදල අමෙරිකානු ඩොලර් මිලියන 390 ක්.
