ඔස්ට්‍රේලියාව සමග පැවැත්වෙන එක්දින ක්‍රිකට් තරගාවලිය සඳහා සහභාගී වන ශ්‍රී ලංකා සංචිතය අද ප්‍රකාශයට පත් කළා. සංචිතයට ක්‍රීඩකයින් 21 දෙනෙකු අයත්.
ඒ අතරට නවක ක්‍රීඩකයින් වන දුනිත් වෙල්ලාලගේ, ප්‍රමෝද් මදුෂාන් සහ නුවන් තුෂාර ද අයත්ව සිටීම විශේෂත්වයක්. එමෙන්ම ධනංජය ද සිල්වා සහ ලහිරු මදුසංඛ යළිත් වරක් ශ්‍රී ලංකා එක්දින සංචිතයට කැඳවා තිබෙනවා.
මීට අමතරව ධනුෂ්ක ගුණතිලක, භානුක රාජපක්ෂ සහ නිරෝෂන් දික්වැල්ල ද ශ්‍රී ලංකා සංචිතයට ඇතුළත්. දෙරට අතර තරග 05 කින් සමන්විත එක්දින ක්‍රිකට් තරගාවලිය ලබන 14 වනදා ආරම්භ වනවා.
