ජනාධිපති ගෝඨාභය රාජපක්ෂ විසින් සිය ධුරයෙන් ඉල්ලා අස්වීමට අදාලව යොමු කළ ලිපිය විද්‍යුත් තැපැල් මාර්ගයෙන් කතානායක කාර්යාලය වෙත ලැබි ඇති බව එම කාර්යාලය තහවුරු කර සිටිනවා.
එම ලිපියේ වලංගු භාවය තහවුරු කර ගැනීමෙන් පසුව ඊට අදාළ නිල නිවේදනය හෙට ප්‍රකාශයට පත් කරන බව කතානායක කාර්යාලය සඳහන් කර සිටියේ.
මෙම ලිපිය සිංගප්පුරුවේ සිට මෙරටට ගෙන්වා ගැනීම සඳහා එරට සිටින ශ්‍රී ලංකාවේ රාජතාන්ත්‍රික බලධාරීන් ලවා පියවර ගන්නා බවද කතානායක කාර්යාලය වැඩිදුරටත් සඳහන් කර සිටිනවා.
