බුත්තල සිට කතරගම දක්වා යාල ජාතික වනෝද්‍යානය මැදින් දිවෙන මාර්ගයේ දී වන්දනා නඩයක් ගමන් කරමින් ලොරි රථයකට වනඅලි ප්‍රහාරයක් එල්ල වී තිබෙනවා.
මෙම වන ප්‍රහාරය සිදු වන අවස්ථාවේ දී ලොරි රථය තුල රියදුරු සහිතව පුද්ගලයන් එකොලොස් දෙනෙකු ගමන් කරමින් සිට ඇති අතර ඔවුන් කතරගම දේවාලයක් භාරයක් ඔප්පු කිරීම සදහා මෙලෙස ගමන් කරමින් සිට ඇති බවයි නෙත් නිවුස් වාර්තාකරු සඳහන් කර සිටියේ.
එම අවස්ථාවේ දී මාර්ගයේ සිටි වනඅලියා ආහාර සොයාගෙන ලොරි රථය නවතා දමා ලොරි රථයට පහරදී පෙරලා දමා තිබෙනවා.
මෙම වනඅලි පහරදීමත් සමග ලොරි රථයේ ගමන් කරමින් සිටි කාන්තාවක් තුවාල ලබා බුත්තල ප්‍රාදේශීය රෝහලට ඇතුළුත් කර ඇති අතර එහිදී එම කාන්තාව ජීවිතක්ෂයට පත් වීය.
මෙසේ මියගොස් ඇත්තේ සියඹලාණ්ඩුව ප්‍රදේශයේ පදිංචි වයස අවුරුදු හැටහයක කාන්තාවක් බව පොලිසිය පවසන්නේ.
එම නිසා බුත්තල කතරගම මාර්ගයේ ගමන් කිරීමේ දී සැලකිලිමත් වන ලෙසත් වනඅලින්ට ආහාර ලබා නොදෙන ලෙසටත් වනජීවි නිලධාරීන් ජනතාවගෙන් ඉල්ලීමක් කරනවා.
