තීරු බදු රහිතව මෙරටට ගෙන්වන ලද දුම්වැටි තොගයක් සමග පනාගොඩ යුද හමුදා කඳවුරේ කෝප්‍රල්වරුන් දෙදෙනකු අත්අඩංගුවට ගෙන තිබෙනවා
දුම් වැටි තොගයක් විකිණීම සඳහා පුද්ගලයකු හෝමාගම වෑකන්ද පාර ප්‍රදේශයට පැමිණ සිටින බවට පොලිසියට ලද තොරතුරකට අනුව එම සැකකරු අත්අඩංගුවට ගෙන සිදු කළ ප්‍රශ්න කිරීමේදී ඔහු පනාගොඩ හමුදා කඳවුරේ කෝප්ලවරයෙකු බවත් ඔහුට ඒවා ලබා දුන්නේ එම කඳවුරේම තවත් කෝප්‍රල් වරයකු බවට අනාවරණය වීමෙන් අනතුරුව එම පුද්ගලයාද අත්අඩංගුවට ගත් බවයි හෝමාගම මූලස්ථාන පොලිසිය සඳහන් කර සිටියේ.
අත්අඩංගුවට ගත් සැකකාර කොප්‍රල් වරුන් දෙදෙනා වයස අවුරුදු 43 හා 44 පසුවන නොච්චියාගම මාරගහ වැව හා නිට්ටමුව කල්එළිය පදිංචිකරුවන් වන අතර එම සැකකරුවන් සමග දුම්වැටි 600 ක් පොලිස් භාරයට ගෙන තිබෙනවා
සැකකරුවන් දෙදෙනා සහ නීති විරෝධී දුම් වැටි තොගය හෝමාගම මහේස්ත්‍රාත් අධිකරණය වෙත ඉදිරිපත් කිරීමට නියමිතය
