දරුවන් වැඩි වශයෙන් ළමා අපයෝජන සිද්ධීන්වලට ලක්වන්නේ ඔවුන්ගේ පවුලේ සාමාජිකයන් සහ සමීපතමයන්ගෙන් බව ජාතික ළමා ආරක්ෂක අධිකාරිය පවසනවා.
එවන් පසුබිමක් තුළ එම ළමා අපයෝජන සිද්ධීන් පිළිබඳව වාර්තා නොවන බවයි ජාතික ළමා ආරක්ෂක අධිකාරියේ සභාපති ආචාර්ය උදය අමරසිංහ නෙත් නිවුස් වෙත කියා සිටියේ.
වැලිඔය ප්‍රදේශයේදී ඉකුත් දා ආහාර ලබා දුන් කුඩා දරුවෙකුට පියා විසින් පහර දීමේ සිද්ධියද ඇතැම් විට එලෙස වාර්තා නොවීමට ඉඩ තිබූ බවයි මෙහිදී ප්‍රකාශ කෙරුණේ.
