ජනාධිපතිවරණයේ දී ශ්‍රී ලංකා පොදුජන පෙරමුණේ සහය ජනාධිපති රනිල් වික්‍රමසිංහ මහතාට ලබාදීම සිය ජයග්‍රහණයට බාධාවක් නොවන බව සමගි ජන බලවේගය පවසනවා.
රට සහ ජනතාව ගැන සිතා ජනාධිපති රනිල් වික්‍රමසිංහ මහතාට සහය වීමට පක්ෂයේ සියලුදෙනා එකඟ වූ බවයි ශ්‍රී ලංකා පොදු ජන පෙරමුණේ නිර්මාතෘ බැසිල් රාජපක්ෂ පසුගියදා පැවසුවේ.
ඒ පාර්ලිමේන්තු මන්ත්‍රී රෝහිත අබේගුණවර්ධන මන්ත්‍රීවරයාගේ දේශපාලන දිවියට වසර 27ක් සපිරීම නිමිත්තෙන් කළුතර ප්‍රදේශයේ පැවති උත්සවයකදීයි.
ඊට ජනාධිපති රනිල් වික්‍රමසිංහ මහතා ද එක්ව සිටියා.
ශ්‍රී ලංකා පොදු ජන පෙරමුණ ජනාධිපති රනිල් වික්‍රමසිංහට මහතාට සහය දීමට තීරණය කිරීම ඉදිරි ජනාධිපතිවරණයේ දී සිය පක්ෂයට තර්ජනයක් නොවන බවයි සමගි ජන බලවේගයේ මහ ලේකම් පාර්ලිමේන්තු මන්ත්‍රී රංජිත් මද්දුම බණ්ඩාර නෙත් නිවුස් කළ විමසීමකදී කියා සිටියේ.
