මුහුදුබඩ මාර්ගයේ දුම්රිය ගමනා ගමන කටයුතවලට බාධා එල්ලවී තිබෙනවා.
ඒ, කොළඹ කොටුව දුම්රිය ස්ථානයේ දී දුම්රියක් පීලි පැනීම හේතුවෙන්.
පානදුර දුම්රිය ස්ථානයෙන් පෙරවරු 09යි 35ට මරදාන බලා ධාවනය වූ දුම්රියක් කොළඹ කොටුව දුම්රිය ස්ථානයට ළඟාවීමේ දී පයින්ටු මතදී එම දුම්රිය පීලි පැනීමකට ලක්ව ඇති බවයි දුම්රිය දෙපාර්තමේන්තුව පැවසුවේ.
මේ හේතුවෙන් මුහුදුබඩ මාර්ගයේ මාර්ග දෙකම අවහිර වී තිබෙනවා.
එම දුම්රිය පීලිගත කරන තෙක් මුහුදුබඩ මාර්ගයේ ධාවනය වන දුම්රිය කිහිපයක් අවලංගු කිරීමට සිදුවන බවයි දුම්රිය දෙපාර්තමේන්තුව වැඩිදුරටත් පැවසුවේ.
